#Рамазон_ҳангомаларидан)

Қадр кечаси.
Қўшниларимни чақирганман. Ҳам ифтор, ҳам ибодат қиламиз кеча бўйи... Ният шундай..
Энг яқин, жону дилим, илк шогирдларимдан бўлган эски қўшним... салкам синглим бор. Ипподромда оёқ кийим сотадиган дўкон очган, эндигина бизнесини бошлаган кезлари эди...
Чақирдим...
"Вооой, боролмайман а, узр, мол келади бозорга, шуни қабул қилиб олишимиз керак"- деган жавобни олдим... Ҳақиқатда ҳафсалам пир бўлди... "Э, Қадр кечада ҳам тинч қўймайдиган ўша бозорингизга ўт тушсин!"- дедим)...
Шу билан уни унутдим ҳам, бошқалар келишди, мазза қилиб Аллоҳ қодир қилганича ўтирдик, имонлашдик...
СубҳанАллоҳ, эрталаб ҳалиги синглим телефон қиляпти: "Сарвинозжооон, кеча борсам бўларкан, туни билан ухламадик, дуонгиз қулоғимдан кетмаяпти.. бозорга ўт тушди, югур югур бўлди,... ёниб кетди нарсаларим!.." демайдими....
"Бозорингизга ўт тушсин")) ..
СубҳанАллоҳ, 16, 17 йилча аввал Ипподромга, Абу Саҳийга Рамазонда ўт тушганини кўпчилик яхши эсласа керак... Ана шу тун ҳақида айтаётганим..)
Шу шу қўшним қаерга, қачон чақирсам, албатта, етиб келади, "Бир марта чақирганида келмай банкрот бўлганим етади" - дейди ярми ҳазил, ярми чин)..
Мен доимгидек қотаман)).
(Бу воқени бироз аввал қизим эслатди, сизлар билан баҳам кўрдим)..)
Роббимнинг ажойиб дарслари бор-да)..
Хайрлиси ва яна хайрлиси.