Ясным майскім днём супрацоўнікі Пагашчанскай бібліятэкі запрасілі сем'і аднавяскоўцаў адправіцца ў гістарычна-экалагічную вандроўку "Цуды Пагашчанскага парку".

Пад час экскурсіі яе ўдзельнікі пачулі многа цікавага пра былую сядзібу паноў Агінскіх, з захапленнем разглядалі выявы разынкавай муроўкі на сценах гаспадарчых пабудоў, якія яшчэ ў 90-тыя гады ХХ-га стагоддзя апісаў у сваёй брашуры "Архітэктурная спадчына Браслаўшчыны" Кастусь Шыдлоўскі. Майскім падарункам для ўсіх сталі жоўтыя цюльпаны-дзікаросы. Удзельнікі вандроўкі даведаліся, што гэтыя кветкі растуць тут не выпадкова, а пасаджаны былі яшчэ пры былых ўладальніках сядзібы.