Sankt-Peterburg – Andijon muntazam aviaqatnovi yo‘lga qo‘yildi

Uzbekistan Airways aviakompaniyasi Andijon-Sankt-Peterburg-Andijon yo'nalishi bo'yicha muntazam reyslarni yo'lga qo'ymoqda. Parvozlar haftasiga ikki marta, dushanba va chorshanba kunlari amalga oshiriladi, Sankt-Peterburgning Pulkovo aeroportidan soat 15:05 da uchgan samolyot mahalliy vaqt bilan soat 22:00 da Andijonga yetib keladi. Bu haqda Pulkovo aeroporti matbuot xizmati ma'lum qildi.
Yangi reysning yo'lga qo'yilishini nishonlash uchun to'qqizinchi bo‘lib ro'yxatdan o'tgan yo'lovchi aviakompaniya va aeroportdan esdalik sovg'asini oldi. Ushbu yo'nalish Uzbekistan Airwaysning Sankt-Peterburgdan yo'nalish tarmog'idagi to'qqizinchi yo'nalishdir.
Pulkovo aeroportidan aviakompaniya shuningdek, Toshkent, Samarqand, Buxoro, Namangan va O'zbekistonning boshqa shaharlariga muntazam reyslarni amalga oshiradi.