Ижтимоий тармоқлардаги профилларга назар солиш, худди қулфланган эшикнинг тирқишидан қарашга ўхшайди.

Тирқишнинг рўпарасига нима қўйилган бўлса фақатгина ўшани кўра олиш мумкин...
Шахсий ҳудудга ёзиб “эшик таққиллатганларга” жавоб қилиш эса худди танимаган одамингиз билан эшик ортидан савол-жавоб қилгандек гап...
Ёпиқ профил эгаларига ёза олмаслик эса бу ҳудуд исталмаган кишилар учун ёпиқ эканлигини билдиради.
Ёпиқ бўлмаган профиллар эса атрофи девор билан ўралмаган ёки қўриқчиси бўлмаган уйга ўхшайди. Балки у девор қуришни билмаганидан ёки девор қуришга имкони бўлмаганидан атрофини ўраб олмаган бўлиши мумкин. Лекин бу ҳам исталган кишига бу ҳудудга кириш ҳуқуқини бермайди...
Ҳаётда ҳам яқиндан муомала қилмаган ҳар қандай одам учун бошқа бировнинг ҳаёти худди қулфланган хонадек гап...
Эшик ортида нима борлигини фақат ичкарига кириб кўриш мумкин.
Аммо унинг эшиги фақат ишончли инсонларга очилади, унинг “калити” эса фақатгина “соҳиби”нинг қўлида бўлади...
Аммо айримлар фақатгина “тирқишдан мўралаб” ёки “эшик ортидан” суҳбатлашиб туриб, ўзларини худди “калитни қўлга киритгандек” тутадилар...
Шу ўринда эркакларга эслатма:
Аёл киши ижтимоий тармоқларда дўстлигингизни қабул қилган бўлса, бу у сизнинг никоҳ таклифингизни қабул қилди дегани эмас. Ёки ижтимоий тармоқларда дўстингизнинг дўстлари бўлганлар хоҳ у аёл бўлсин, хоҳ у эркак бўлсин сизнинг ҳам дўстларингиз қаторида бўлишга мажбур эмас. Кимгадир дўстлик юборсак ва у қабул қилмаса ёки аввал дўстлигимизда бўлиб кейин дўстлик дан чиққан бўлса қайта-қайта дўстлик таклифи юбориб бошқаларни безовта қилишлик одобдан эмас. Бу ҳақида яна фикр ва мулоҳазаларингиз бўлса муҳокамаларда қолдиришларингиз мумкин.