ФИФА президенти Жанни Инфантино Италия терма жамоасининг жаҳон чемпионатига чиқа олмаётгани ҳақида ҳазил қилди. Эслатиб ўтамиз, «Мовий гвардия» кетма-кет учинчи мундиални ўтказиб юбормоқда. Канада, Мексика ва АҚШ давлатларида ўтказилаётган 2026-йилги Жаҳон чемпионатда тарихда биринчи марта 48 та жамоа иштирок этмоқда. «Биз бутун дунёни янада кўпроқ жалб қилиш учун 64 та жамоа иштирокида жаҳон чемпионати ўтказиш имкониятини муҳокама қилгандик. Бу масала ФИФА Кенгашида кўтарилган, аммо ҳозирча 48 та жамоа билан ўтаётган биринчи турнирдан завқ олайлик. Эҳтимол, 64 та жамоа билан Италия саралашдан ўтади… Бўлмаса, 208 та жамоагача борармиз...», — деди Инфантино «CazeTV»га берган интервьюсида.