FUTBOL YANGILIKLARI

Ираола «Ливерпул»нинг янги бош мураббийига айланади — Романо Мерсисайдликлар Арне Слот ўрнига испаниялик мутахассисни танлади. «Ливерпул» бош мураббийлик лавозими учун Андони Ираолани танлади. Бу ҳақда инсайдер Фабрицио Романо хабар берди. Манбага кўра, мерсисайдликлар Арне Слот истеъфосидан кейин айнан испаниялик мутахассисни жамоа бошқарувига олиб келишга қарор қилган. Қайд этилишича, томонлар ўртасидаги музокаралар тез суръатда давом этади ва барча расмий жараёнлар яқин вақт ичида якунланиши кутилмоқда. Маълумот учун, 43 ёшли мураббийнинг сўнгги клуби «Борнмут» бўлди. У ўтган мавсум якунида клубни тарк этди. Ираола бошқарувидаги «гилослар» АПЛда 57 очко жамғариб, мавсумни 6-ўринда якунлади. Андони «Борнмут»ни 2023 йил ёзидан буён бошқариб келаётганди. Эслатиб ўтамиз, «Ливерпул» эса 60 очко билан 5-поғонани эгаллади.

ЖЧ-2022да 64 ўйинда 4 та қизил карточка кўрсатилганди, ЖЧ-2026да эса илк баҳсдаёқ 3 та 😅

Аргентина терма жамоаси ўртоқлик учрашувида Исландияни тор-мор этди. Мессидан гол Аргентина терма жамоаси ўртоқлик учрашувида Исландия миллий жамоаси устидан 3:0 ҳисобида ғалаба қозонди. Ўйин Оберндаги (АҚШ) "Жордан-Хейр" стадионида бўлиб ўтди. Ўйиннинг 8-дақиқасида Аргентина терма жамоаси ярим ҳимоячиси Валентин Барко ҳисобни очди. 72-дақиқада ҳужумчи Лионель Месси пенальтини аниқ амалга оширган бўлса, учрашувнинг 87-дақиқада Тьяго Альмада гол уриб, якуний нуқтани қўйди. Эслатиб ўтамиз, Аргентина терма жамоаси бўлажак мундиалда "Ж" гуруҳида Жазоир, Австрия ва Иордания миллий терма жамоалари билан куч синашади. Аргентина амалдаги жаҳон чемпиони ҳисобланади. 10 июн 2026, 06:00 Argentina — Iceland 3 – 0 тугади

ЖЧ-2026да ўйнайдиган энг яхши футболчилар рейтинги тузилди — Ямал 3, Мбаппе 6, Месси 25-ўринда ЖЧ-2026да ўйнайдиган энг яхши футболчилар рейтинги тузилди — Ямал 3, Мбаппе 6, Месси 25-ўринда The Athletic нашри рейтинг тузишда бир қанча жиҳатларни инобатга олди. The Athletic ЖЧ-2026 учун миллий жамоасига чақирилган энг яхши 50 футболчи рейтингини тузди. Рейтинг тузишда ўйинчиларнинг иқтидори, формаси, жисмоний ҳолати ва майдонга тушиш эҳтимоли инобатга олинди. Топ-25: 1. Усмон Дембеле, Франция. 2. Ҳарри Кейн, Англия. 3. Ламин Ямал, Испания. 4. Майкл Олисе, Франция. 5. Витиня, Португалия. 6. Килиан Мбаппе, Франция. 7. Габриэл Магаляэс, Бразилия. 8. Педри, Испания. 9. Ашраф Ҳакими, Марокаш. 10. Бруну Фернандеш, Португалия. 11. Луис Диас, Колумбия. 12. Деклан Райс, Англия. 13. Эрлинг Ҳоланд, Норвегия. 14. Нуну Мендеш, Португалия. 15. Винисиус Жуниор, Бразилия. 16. Йозуа Киммих, Германия. 17. Вилям Салиба, Франция. 18. Вилян Пачо, Эквадор. 19. Жуд Беллингҳэм, Англия. 20. Федерико Валверде, Уругвай. 21. Рафиня Диас, Бразилия. 22. Жонатан Та, Германия. 23. Тибо Куртуа, Белгия. 24. Дайо Упамекано, Франция. 25. Лионел Месси, Аргентина. Виржил ван Дейк 28, Букайо Сака 31 Муҳаммад Салоҳ 42, Криштиану Роналду 50-ўринни эгаллади.

ФИФА Гаити терма жамоасидан ЖЧ-2026 бошланишига бир неча кун қолганда форма дизайнини ўзгартиришни талаб қилди. Нега? Гаити терма жамоаси Шотландияга қарши жаҳон чемпионатидаги илк ўйинига бир неча кун қолганда форма дизайнини ўзгартиришга мажбур бўлди, деб хабар беради BBC. Қайд этилишича, терма жамоа футболкасида ҳарбий саҳна тасвирланган бўлиб, бу ФИФА қоидаларига тўғри келмаган. Турнир олдидан ўтказилган иккита ўртоқлик учрашувида фойдаланилган формада Гаити мустақиллигини таъминлаган 1803 йилдаги Вертьер жанги сурати ва мамлакат байроғи тасвирланган эди. Бироқ, халқаро федерация регламенти экипировкада ҳар қандай "сиёсий, диний ёки шахсий хабарлар ва шиорлар" жойлаштиришни тақиқлайди. ФИФА баъзи визуал элементлар унинг экипировка бўйича регламенти доирасида турлича талқин қилиниши мумкин деган қарорга келди ва якунда дизайнга ўзгартириш киритишни талаб қилди.

Каннаваро: «Бундай даражадаги жамоаларга қарши ўйнаш осон эмас. Бироқ жамоам ўйинда кўплаб ижобий жиҳатларни кўрдим» Италиялик мутахассис Нидерландияга қарши баҳсдан сўнг ўз фикрларини билдирди. Ўзбекистон миллий жамоаси бош мураббийи Фабио Каннаваро Нидерландияга қарши баҳсдан сўнг ўз фикрларини билдирди. — Бугунги ўйин ҳақида: — Менимча, биз кўплаб ижобий жиҳатларни кўрсата олдик. Ҳисоб 1:0 бўлганидан кейин ҳам майдондаги тартиб ва «линия»ни йўқотмадик. Жамоа бўлиб ҳаракат қилишда давом этдик ва охиригача курашдик. Бундай даражадаги миллий жамоаларга қарши ўйнаш осон эмас. Бироқ жамоам ўйинида кўплаб ижобий жиҳатларни кўрдим. Бизга айнан шундай ўйинлар керак. Чунки бундай рақибларга қарши майдонга тушганингизда доимо ниманидир ўрганасиз ва тажриба орттирасиз. Умуман олганда, учрашувдан мамнунман. — Ҳимоядаги ўйин ҳақида — Футболни хатоларсиз ўйнаб бўлмайди. Бу мутлақо нормал ҳолат. Бизнинг вазифамиз футболчиларга шундай хатолар сонини имкон қадар камайтиришда ёрдам беришдир. Лекин ростини айтсам, мен ҳимоядаги хатолардан кўра ижобий жиҳатларни кўпроқ кўрдим. — Футболчиларнинг ҳолати ҳақида: — Тайёргарликни бир ойдан ҳам кўпроқ вақт олдин бошлаганмиз, легионер футболчиларимиз эса кейинроқ жамоага қўшилди. Шунга қарамай, жисмоний тайёргарлик борасида яхши иш олиб борганимизга ишонаман. Албатта, айрим футболчилар билан боғлиқ ҳали ҳал этишимиз керак бўлган масалалар ҳам бор ва биз улар устида ишлашда давом этамиз», - дея Каннаваронинг сўзларидан келтиради ЎФА матбуот хизмати.

ЖЧ-2026. Ўзбекистон — Колумбия ўйини чипталар сотуви бўйича турнирда энг яхши натижа қайд этмоқда ЖЧ-2026. Ўзбекистон — Колумбия ўйини чипталар сотуви бўйича турнирда энг яхши натижа қайд этмоқда Очилиш ўйини бўлган Мексика — ЖАР ва Бразилия — Марокаш баҳслари ҳам бу борада ортда қолмоқда. 18.06.2026, 07:00 Жаҳон чемпионати Ўзбекистон - - Колумбия Жаҳон чемпионати гуруҳ босқич 1-туридан ўрин олган Ўзбекистон — Колумбия ўйини чипталар сотуви бўйича турнирда энг яхши натижа қайд этмоқда. Бу ҳақда ўзбекистонлик футбол мутахассиси Алишер Никимбаев хабар берди. «Дастлабки маълумотларга кўра, Ўзбекистон — Колумбия учрашуви учун 74 725 та чипта сотилган. Айни пайтда бу кўрсаткич жаҳон чемпионатининг бошқа ҳар қандай ўйинидан кўпроқ. Жумладан, очилиш ўйини бўлган Мексика — Жанубий Африка Республикаси (73 373) ва Бразилия — Марокаш (73 719) баҳслари ҳам бу борада ортда қолмоқда», — дейилади хабарда. Аввалроқ Фабио Каннаваро мундиал олдидан ўзбекистонлик мухлисларга мурожаат қилганди.

Бернарду Силва – «Реал» футболчиси (Романо) Португалиялик 31 ёшли футболчи Мадрид клуби билан 2028 йилнинг ёзига қадар битим имзолади. «Реал» яримҳимоячи Бернарду Силва билан келишувга эришди. Бу ҳақда инсайдер Фабрицио Романо хабар берди. Манбага кўра, португалиялик 31 ёшли футболчи Мадрид клуби билан 2028 йилнинг ёзига қадар битим имзолади. Томонлар келишувни яна бир йилга узайтириш имкониятига эга бўлишади. Эслатиб ўтамиз, хавбек «Манчестер Сити»ни тарк этди ва эркин агент мақомида Ла Лига гранди сафига бориб қўшилади. Ўтган мавсумда Бернарду барча турнирларда 53 та учрашувда иштирок этиб, учта гол ва бешта голли узатмага муаллифлик қилди. Transfermarkt порталида тақдим этилган маълумотларга кўра, футболчининг бозор қиймати 22 миллион еврони ташкил этади. Аввалроқ Жозе Моуринио жамоа бош мураббийи этиб тайинлангани хабар қилинганди.

"Муаммолар бор. лекин, мен ҳеч нарсадан афсусланмайман". Инфантино — АҚШ, Канада ва Мексикада ЖЧ ўтказилиши ҳақида ФИФА президенти Жанни Инфантино футбол бўйича жаҳон чемпионати АҚШ, Мексика ва Канадада бўлиб ўтишидан афсусланмаслигини маълум қилди. "Мен ҳеч нарсадан афсусланмайман. Охирги 30 йилдан бери тадбирлар ташкил этиш билан шуғулланаман. Мен катта ва кичик муаммоларни ҳал қилишга ўрганиб қолганман. Уч ярим йил олдинги матбуот анжуманида муаммолар эҳтимол бундан ҳам жиддийроқ эди. Муаммолар бор. Бундай миқёсдаги тадбир учун бу нормал ҳолат. Уларнинг бир қисми АҚШда, бир қисми Канадада, яна бир қисми Мексикада юзага келмоқда. Умид қиламанки, биз уларнинг барчасини ҳал қила оламиз. Катта эҳтимол билан йўқ, лекин биз қўлимиздан келган барча ишларни қиламиз", — дея Инфантинонинг сўзларини келтиради The Athletic.

ЖЧ тарихидан. Турнирнинг илк голларига кимлар муаллифлик қилган? ЖЧ тарихидан. Турнирнинг илк голларига кимлар муаллифлик қилган? Мусобақанинг илк голи ҳар доим барчанинг диққат марказида бўлади. Бугун, 11 июн куни жаҳон чемпионати расман старт олади. Унда Мексика ва ЖАР ўзаро тўқнашг келади. Мусобақанинг илк голи ҳар доим барчанинг диққат марказида бўлади. Қуйида 1930 йилдан бери мундиаллар эшигини очиб берган футболчилар билан танишинг: 1930- Уругвай — Люсен Лоран (Франция) 1934- Италия — Эрнесто Белис (Аргентина) 1938- Франция — Ёзеф Гаухел (Германия) 1950- Бразилия — Адемир (Бразилия) 1954- Швейцария — Милош Милутинович (Югославия) 1958- Швеция — Агне Симонссон (Швеция) 1962- Чили — Факундо Кирога (Аргентина) 1966- Англия — Пеле (Бразилия) 1970- Мексика — Динко Дерменджиев (Болгария) 1974- ГФР — Паул Брайтнер (ГФР) 1978- Аргентина — Бернар Лякомб (Франция) 1982- Испания — Эрвин Ванденберг (Белгия) 1986- Мексика — Алессандро Алтобелли (Италия) 1990- Италия — Франсуа Омам-Бийик (Камерун) 1994- АҚШ — Юрген Клинсманн (Германия) 1998- Франция — Сезар Сампайо (Бразилия) 2002- Корея/Япония — Папа Буба Диоп (Сенегал) 2006- Германия — Филипп Лам (Германия) 2010- ЖАР — Сипиве Шабалала (ЖАР) 2014- Бразилия — Марсело (Автогол) 2018- Россия — Юрий Газинский (Россия) 2022- Қатар — Эннер Валенсия (Эквадор)