"Кожную пятніцу - роднае, сваё "

У Пагашчанскай бібліятэцы 27 сакавіка прайшла квэст-гульня "Дзіцячая кніжка - роднай мовы калыска". Разам з гераіняй кнігі Таццяны Дамаронак бабуляй Белай Варонай дзеці разгадвалі сканворды, загадкі, шукалі па падказках патрэбныя кнігі на палічках. Адсканіраваўшы QR-код, паглядзелі бук-трэйлер казкі Алены Масла і знайшлі яе на палічцы. Апошняй кропкай квэста стаў этнаграфічны куток бібліятэкі, сярод экспанатаў якога і быў схаваны прыз.