Ваҳдату ҳамбастагӣ оини мост,

Рамзи хосу пешаи пешини мост.
Бар дили мо раҳ надорад кинае,
Ин русуми синаи хушбини мост.
Бо ҳақорат мангарем бар айби кас,
Бурдборӣ меваи тамкини мост.
Синаи мо маскани сулҳ асту бас,
Душманӣ, дур аз сару ботини мост.
Хоки мо аз бедилу каҷдил барист,
Ҳамдилӣ, як одати дерини мост.
Эй Муродӣ, хуш ба ҳоли миллатам,
Ҷумла олам дар пайи таҳсини мост.
МУРОДИИ ХАТЛОНӢ 27.06.2025