Эрьва валске - эрзянь валкске.

Чадыковонь 22 чистэнть - Норовжочонь чи.
Норовжорч - жаворонок
Норовжорчонь чистэнть...
Валске. Кията панжинзе сельмензэ. Удалць кудосто марявсть кшнинь кедьёнкссо кальцькаемат. Судозонзо пачкодсь тантей панема чине. Цёрынесь валгстынзе алов кепе пильгензэ. Стясь. Пильгесурнэсэ панжадо кенкшканть чиезь чийсь удалць кудов. Тосо сырькаезэ каштом икеле таргсиль ансяк панезь норовжорчкеть. Вай, кодат сынь мазыйть! Кодамо тантей чинесэ качадыть!
- Ёвардыка курокке, левкскем, чаминеть! Ды озак норовжорчкеде ярсамо. Сынь анокт!
Кията нуртясь шлямокедьгестэнть васонькоморо ведь, плестядсь кельмесэнть лембе чаминес. Нардызе теск понгавтозь нардамосонть. Ты сеск стуворонть экшс!
Лангсонзо лапшт вакансольть ансяк панезь, лембине норовжорчкетне. Симема вакансонть - экше ловсыне.
Норовжорчкетне, мерят, сынсь Киятань кургинес эцить! Ловсо марто корштнезь сынь седеяк тантейть! Солазь солыть кургсонзо...
Кията ярсась-тейсь, сюконясь сырькайнензэ, курокке оршнесь-карсесь ды ушов!
Норовжорчонь моронь кунсоломо. Удалць ортатнева лиссь кардаз удалов. Тосо солазь пандо чама. Солазь модань чине, потмакстомо ванькс менель. Тосто маряви норовжорчонь гайтев морось. Тундось сась!
Норожорчонь Чи марто!
Эрюш