#Набийﷺни заҳарламоқчи бўлган аёл.

#Хайбар фатҳ қилингандан кейин Зайнаб бинт Ҳорис исмли бир яҳудия аёл Расулуллоҳ ﷺга пиширилган қўйни ҳадя қилди.
У аввал Расулуллоҳ ﷺ қўйнинг қайси қисмини яхши кўришларини суриштирди. Унга:
— Зироъни (олдинги оёғини), — деб жавоб беришди.
Шунда у айнан шу қисмга кўпроқ заҳар суртди ва қўйнинг қолган қисмларига ҳам заҳар қўшди.
Қўй Расулуллоҳ ﷺнинг олдиларига қўйилди. У зот ундан бир луқма олиб чайнадилар, аммо ютиб юбормадилар.
Аммо саҳоба Башир ибн Баро ибн Маърур ундан еб юборди.
Шунда Расулуллоҳ ﷺ:
«Бу суяк менга заҳарланганини хабар бермоқда», — дедилар.
Кейин у аёл чақиртирилди ва қилган ишини тан олди.
Расулуллоҳ ﷺ ундан:
— Бу ишга сени нима ундади? — деб сўрадилар.
У:
— Сен қавмимга етказган нарсани етказдинг.
Мен:" агар у пайғамбар бўлса, Аллоҳ унга буни билдиради; агар подшоҳ бўлса, ундан қутуламиз деб ўйладим", — деди.
Расулуллоҳ ﷺ уни дарҳол жазоламадилар.
Аммо Башир ибн Баро ибн Маърур заҳар таъсирида вафот этди.
Аёлни жазолагани ҳақида уламоларда икки хил ривоят учрайди:
1) Энг машҳур ривоят:
Расулуллоҳ ﷺ уни кечирган ва ўлдиришга буюрмаган. У ҳатто узоқ вақт тирик қолгани ҳам айтилади.
2) Бошқа ривоят:
Сафардан кейин у қасос сифатида ўлдирилган деган хабар бор, лекин бу ривоят заифроқ деб баҳоланади.