Дардларимни ёра-ёра,

Юрак бағрим бўлди пора.
Ишқдан чора топсам зора,
Мен ҳам сиздек яшармидим.
Дард болишга бошим ботса,
Армон кетмай ёнда ётса.
Мендан кетиб тошдай қотса,
Мен ҳам сиздек яшармидим.
Тақдир қўлда ўйнар қамчи,
Кўзларимда қайнар томчи.
Шараф қани, қани шончи,
Мен ҳам сиздек яшармидим.
Ҳасратларда куйиб минг бор,
Шундай кунлар келар такрор.
Шодликларга бўлиб иқрор,
Мен ҳам сиздек яшармидим.
Атиргуллар эгар бошин,
Шабнамга хос тукар ёшин.
Синаб кўп бор сабрим дошин,
Мен ҳам сиздек яшармидим.
Мажнун каби кезсам саҳро,
Ишқ йўллари сезсам айро.
Кўкда кулиб боқса зуҳро,
Мен ҳам сиздек яшармидим.
Айланса бор танда қоним,
Чиқиб кетмас бўлса жоним.
Садоқатда ҳар бир оним,
Йўқса кўкда яшармидим.
Ориф Сурхон.
19/06/26.