СЕМАИ

Салынып сейран ерине
Чыкъан дюльбер, киминсинъ сен?
Сиях зюльфюнъ мах юзюнъе
Дёкен дильбер, киминсинъ сен?
Бакътым гёзюнъе, къашынъа,
Бенъзеттим хума къушына,
Бени хиджран атешине
Якъан дильбер, киминсинъ сен?
Пайине юзь сюрен къуллар,
Дем-а-дем медхинъ эдерлер.
Ал янакъ устюне гуллер
Такъан дильбер, киминсинъ, сен?
Сейрана гидер бостана,
Бульбуль къонар гулистана.
Бизе местане-местане
Бакъан дильбер, киминсинъ сен?
Ашыкъ Умер гъайре варма,
Варып диванына дурма,
Эля гёзе сиях сюрме
Чекен дильбер, киминсинъ сен?
АШИКЪ УМЕР